मधुकर राऊत यांच्या नवोपक्रमाची निवड राष्ट्रीय स्तरावर

स्टेट इनोव्हेशन ॲन्ड रिसर्च फाउंडेशन महाराष्ट्र यांच्याकडून सन्मान

पुणे स्टेट इनोव्हेशन ॲन्ड रिसर्च फाउंडेशन महाराष्ट्र आयोजित राष्ट्रीय शैक्षणिक नवोपक्रम स्पर्धा यांच्या मार्फत घेण्यात आली. राष्ट्रीय नवोपक्रम स्पर्धेत  लहानघोडी शाळेतील उपक्रमशील शिक्षक श्री. मधुकर काशिनाथ राऊत यांच्या *शोध गणित मास्टरचा* या नवोपक्रमाची राष्ट्रीय स्तरावर निवड झाली असुन त्यांना उपस्थित मान्यवरांच्या हस्ते सन्मान चिन्ह प्रमाणपत्र व पुष्पगुच्छ देऊन सन्मानित करण्यात आले. हा सन्मान कार्यक्रमाचे प्रमुख पाहुणे सारथी शिष्यवृती प्रमुख अशोक काकडे, प्रसिद्ध साहित्यिक संजय जगताप, सकाळचे सोलापूर जिल्ह्याचे संपादक अभय दिवाणजी, योगेश सोनावणे, बालभारतीचे सदस्य अजयकुमार लोळगे, लातूरच्या कलेक्टर वर्षा ठाकूर, सर फाउंडेशनचे संयोजक बाळासाहेब वाघ, सिद्धाराम मशाळे, राजकिरण चव्हाण आदींच उपस्थित देण्यात आला. 

  राज्यातील नवोपक्रमशील शिक्षक व विद्यार्थ्यांच्या गुणवत्तापूर्ण शिक्षणासाठी सतत प्रयन्न करीत असतात. विद्यार्थ्यांच्या अध्ययनात खंड पडू नये म्हणून नवनवीन उपक्रम व कल्पनांचा वापर करत असतात. त्यांनी राबवलेल्या उपक्रमाची माहिती राज्यातील शिक्षण क्षेत्रातील सर्वच घटकांना माहिती व्हावी तसेच सर्व स्तरातील शिक्षक अधिकारी कर्मचारी यांच्या नवोपक्रमशिलतेला  व सृजनशिलतेला प्रोत्साहन देण्यासाठी दरवर्षी राष्ट्रीय नवोपक्रम स्पर्धा स्टेट इनोव्हेशन ॲन्ड रिसर्च फाउंडेशन महाराष्ट्र यांच्यामार्फत आयोजीत केली जाते.

            या वर्षी नवोपक्रम स्पर्धेचा निकाल नुकताच जाहिर करण्यात आला या स्पर्धेत लहानघोडी शाळेतील नवोपक्रमशिल शिक्षक श्री. मधुकर काशिनाथ राऊत यांच्या नवोपक्रमाला राष्ट्रीय स्तरावर नामांकन मिळाले असून शाळेतील मुख्याध्यापिका श्रीम. आरती वाघमारे, केंद्रप्रमुख - श्री सी. पी. महाले, विस्तार अधिकारी - श्री. भाऊसाहेब सरक, गटशिक्षणाधिकारी - श्रीम. अल्फा देशमुख यांचे मार्गदर्शन मिळाले. या यशाबदल शैक्षणिक क्षेत्रात त्यांचे अभिनंदन होत आहे.

National Education innovation Award 202

स्वतंत्र दिन खेळाचे साहित्य वाटप करण्यात आले.

जिल्हा परिषद प्राथमिक शाळा - लहानघोडी केंद्र - माणी ता सुरगाणा जि नाशिक येथे आज दि. 15 ऑगस्ट 2024 रोजी ७८ वा भारतीय स्वातंत्र्य दिन उत्साहात साजरा करण्यात आला.

सकाळी गावामध्ये ढोल ताश्यांच्या गजरामध्ये प्रभात फेरी काढण्यात आली. गावातील पालक ग्रामस्थ मोठ्या प्रमाणात प्रभार फेरीमध्ये सहभागी झाले. शाळेमध्ये ध्वजावंदन करून विद्यार्थ्यांनी भाषणे केली. त्यामध्ये 

1)प्रथम क्रमांक - मंगेश ना. भोये

 2)दुसरा क्रमांक - देवयाणी अ. कुवर 

3) तिसरा क्रमांक - चेतन दिनकर जाधव

या विद्यार्थांना बक्षिस देऊन विद्यार्थी व पालकांचे स्वागत करण्यात आले.

तसेच शाळेमध्ये नाविन्यपूर्ण उपक्रम सुरू असतात त्या मध्ये *पाढे पाठांतर करूया खुप स्टार मिळवू या* या उपक्रमामध्ये 

1) प्रथम क्रमांक - *हर्षवर्धन मं. वार्डे* (इयत्ता - दुसरी) 

2) दुसरा क्रमांक - *तन्मय दे. वाघमारे* (इयत्ता - तिसरी) 

3) तिसरा क्रमांक - *मंगेश ना. भोये* ( इयत्ता ४ थी)

या विद्यार्थांना बक्षिस देऊन विद्यार्थी व पालकांचा सत्कार करण्यात आला.

       तसेच शाळेतील विद्यार्थ्यांना खेळासाठी खेळण्याचे साहित्य 

श्री. धनराज गांगुर्डे डायरेक्टर नार पार शेतकरी उत्पादक प्रा. लि .सुरगाणा ता सुरगाणा जि नाशिक* यांच्या मार्फत देण्यात आले. त्यामध्ये  फुटबॉल, कॅरम, रिंग, बुद्धीबळ , दोरीउडया, चेंडू*, इत्यादी खेळाचे साहित्य देण्यात आले . शा .व्य.समिती मार्फत आभार मानले.

आदिवासी दिन 2024

     प्राथमिक शाळा लहानघोडी येथे जागतिक आदिवासी दिन 2024 साजरा.

     जि.प.प्राथमिक शाळा-लहानघोडी येथे आज जागतिक आदिवासी दिवस साजरा करण्यात आला. विद्यार्थी आदिवाशी गणवेश घालून उपस्थित होते .जननायक बिरसा मुंडा यांच्या प्रतिमेचे पूजन करण्यात आले. सरपंच मा. हेमलता भुसारे सदर कार्यक्रमास उपस्थित होते. मा सरपंच यांनी आदिवाशी दिनानिमित्त माहिती सांगुन आदिवाशी दिनाच्या व नागपंचमिच्या शुभेच्छा दिल्या. शा .व्य. समिती अध्यक्ष मा. नामदेव भोये यांनी आदिवाशी क्रांतीकरकांनी केलेल्या क्रांतीबदल माहिती सांगून क्रांती दिन व आदिवाशी दिनाच्या शुभेच्छा दिल्या तसेच हेमंत , भागवत , पुंडलिक भोये व ग्रामस्थ व पालक उपस्थित होते. शाळेच्या मुख्याध्यापिका आरती वाघमारे यांनी आदिवासी क्रांतिकारक यांचा इतिहास सांगितला.