शालेय प्रवेशोत्सव २०२५ - २६

 जिल्हा परिषद प्राथमिक शाळा लहानघोडी येथे शैक्षणिक वर्ष सन 2025-26 या वर्षामधील पहिला दिवस 16 जुन 2025 मोठ्या उत्साहात साजरा करण्यात आला . पहिल्या दिवशी इयता पहिली मध्ये दाखल होणाऱ्या बालकांसाठी प्रवेशोत्सव कार्यक्रम घेण्यात आला. सकाळी आठ वाजता गावामध्ये इयत्ता पहिलीत दाखल होणाऱ्या बालकांची मिरवणूक काढण्यात आली. तसेच नवोगतांंचे स्वागत करण्यात आले .सर्व विद्यार्थ्यांना मोफत पाठ्यपुस्तके वाटप  करण्यात आले. मोफत पाठ्य पुस्तके देण्यात आले. एक पेड मॉ के नाम उपक्रम घेण्यात आला .  या कार्यक्रमासाठी मा. सरपंच हेमलता भुसारे, शाळा व्यवस्थापन समितीचे अध्यक्ष श्री नामदेव भोये, श्री भागवत पवार श्री. विजय गायकवाड शा . व्य .स .सदस्य,अंगणवाडी ताई, पालक व ग्रामस्थ उपस्थित होते.

जिल्हा स्तरिय हॅकेथॉन स्पर्धा

जिल्हा स्तरीय कॉम्प्यूटर सायन्स हॉकेथॉन स्पर्धा*

जिल्हा जिल्हा शिक्षण व प्रशिक्षण संस्था नाशिक जिल्हा परिषद शिक्षण विभाग नाशिक यांच्या संयुक्त विद्यामाने जिल्हास्तरीय कॉम्प्युटर सायन्स हॉकेथॉन स्पर्धा 2024-25 चे आयोजन करण्यात आले होते .

Computer science hackethon ही स्पर्धा इयत्ता चौथी ते आठवीच्या विद्यार्थ्यांसाठी सहयोगी संगणक विज्ञान आणि कोडीवर आधारीत स्पर्धा होती .

सदर स्पर्धा ही होराईझन इंग्लीश मिडियम स्कूल नाशिक येथे आयोजित करण्यात आली होती. उपशिक्षण अधिकारी धनंजय कोळी साहेब शिक्षण विस्तार अधिकारी माननीय श्री. नाईकवाडे साहेब तसेच जिल्ह्यातील विस्तार अधिकारी केंद्रप्रमुख या कार्यक्रमास उपस्थित होते. 21 व्या शतकातील विविध कौशल्ये आणि कोडींग बद्दल ज्ञान अवगत करण्यासाठी ही स्पर्धा आयोजित करण्यात आली होती. या स्पर्धेमध्ये *जिल्हा परिषद प्राथमिक शाळा लहानघोडी* जिल्हा स्तरीय स्पर्धेत सहभाग घेऊन *चतुर्थ क्रमांक* मिळवला. मंगेश नामदेव, भोये चेतन दिनकर जाधव, रितेश शांताराम मोरे, तन्मय देविदास वाघमारे या विद्यार्थ्यांनी सहभाग घेतला.

* मा गटशिक्षणाधिकारी अल्फा देशमुख मॅडम विस्तार अधिकारी मा. नरेंद्र कचवे साहेब केंद्रप्रमुख श्री. सी. पी. महाले मुख्यध्यापिका आरती वाघमारे शिक्षक श्री. मधुकर राऊत यांचे मार्गदर्शन लाभले.

नवोपक्रमशिल शाळा

जिल्हा परिषद प्राथमिक शाळा लहानघोडी येथे येथील शाळेमध्ये विविध उपक्रम घेण्यात येत आहेत. या शाळेमध्ये श्री मधुकर राऊत सन 2019 मध्ये सिंधुदुर्ग येथून जिल्हा बदलीने हजर झाले. शाळेमध्ये विविध उपक्रम घेऊन पटसंख्या वाढवण्यास मदत झाली. बाहेर गावचे शाळेमधून विद्यार्थी या शाळेमध्ये मोठ्या प्रमाणात दाखल झाले आहेत . शाळा इयत्ता पहिली ते चौथी पर्यंत असूनही स्पर्धा परीक्षेची तयारी होण्याच्या हेतूने शाळेमध्ये मंथन प्रज्ञाशोध परीक्षा ओलंपियाड परीक्षा मार्गदर्शन करण्यात येते . ग्रामीण भागातील विद्यार्थी बोलण्यास घाबरतात म्हणून शाळेने आपली शाळा आपली बातमी यूट्यूब चैनल वरून विद्यार्थी बातम्या तयार करून प्रसारित करीत आहेत. शाळेमध्ये घेतलेले उपक्रम rautmk.blogspot.com या शाळेच्या ब्लॉगच्या माध्यमातून इतर शाळांनाही मदत होते . विज्ञान प्रदर्शनामध्ये प्रत्येक वर्षी विद्यार्थी व शिक्षक सहभागी होऊन चांगली कामगिरी केलेली आहे. विद्यार्थ्यांमध्ये वैज्ञानिक दृष्टिकोन निर्माण व्हावा यासाठी प्रयोग छोटे किमया मोठी यासारखे नवोपक्रम शाळेमध्ये राबवले जातात. हरवले सापडले या क्रमांतर्गत विद्यार्थ्याला मिळालेला दहा हजार रुपयांचा मोबाईल परत केला .पालकांच्या सहकार्यातून शालेय परिसरामध्ये फळझाडे तसेच केळीच्या झाडाची लागवड करण्यात आली आहे शालेय पोषण आहार मध्ये केळीचा वापर करण्यात येत आहे शालेय परीसरामध्ये शोभिवंत झाडे लावून परीसर आकर्षक करण्यात आला आहे .परसबाग स्पर्धेमध्ये शाळेला पारितोषिक मिळले आहे. एकविसाव्या शतकामध्ये ग्रामीण भागातील विद्यार्थी मागे राहणार नाही यासाठी गावच्या सरपंच सौ हेमलता भुसारे यांनी शाळेसाठी संगणक टीव्ही सोलर उपलब्ध करून दिला आहे . याचा वापर करून विद्यार्थी कॉम्प्युटर सायन्स शिकत आहेत तसेच विद्यार्थी कोडींग करून स्वतः विविध शैक्षणिक साहित्य तयार करीत आहेत. याची दखल घेऊन हेकेथॉन स्पर्धेमध्ये शाळेची जिल्हास्तरासाठी निवड झाली आहे. शाळेसाठी विविध शैक्षणिक संस्था यांच्याकडून वह्या स्कूल बॅग छत्री पाटी पेन्सिल स्वेटर तसेच अनेक साहित्य विद्यार्थ्यांना देण्यात आलेले आहेत .गावातील ग्रामस्थांकडून शाळेसाठी पाण्याची टाकी स्वयंपाक भांडी सेट खुर्च्या इत्यादी साहित्य देण्यात आलेले आहेत .

शाळेमध्ये कागदाच्या लगद्यापासून आदिवासी वस्तू तयार करण्यात आल्या आहेत .

 शोध गणित मास्टरचा या नवोपक्रमाची निवड जिल्हास्तरीय प्रथम क्रमांकने निवड झाली असून शाळेमध्ये विविध उपक्रम घेण्यात येतात यामध्ये वाचन यात्री पाढे पाठांतर करूया खूप स्टार मिळवूया सेल्फी विथ बॅनर बँक ऑफ लहानघोडी प्रयोग छोटे किमया मोठी आमची शाळा आमची दिनदर्शिका आनंददाई शनिवार किचन गार्डन सीड बँक एक बी उद्यासाठी ज्ञानी मी होणार टाकावतून टिकाऊ शालेय रोपवाटीका यासारखे शाळेमध्ये खूप उपक्रम घेण्यात येत आहेत. विद्यार्थ्यांच्या कलागुणांना वावदेण्यासाठी विविध सांस्कृतिक कार्यक्रम घेण्यात येत आहेतअध्यक्ष चषक स्पर्धा तसेच इतर सांस्कृतिक कार्यक्रमात सहभागी होऊन विद्यार्थ्यांना मोठ्या प्रमाणात बक्षीस प्राप्त झाले आहेत .

 विनोबा ॲप वरती शाळेतील उपक्रमांचे शैक्षणिक व्हिडीओ अपलोड केले असून याचा उपयोग इतर शाळांनाही होतो .

गुणवत्तापूर्ण पारितोषिके 

राजस्तरीय नवोपक्रम स्पर्धेमध्ये जिल्हा स्तर प्रथम क्रमांक

सिंधुताई सकपाळयांच्या हस्ते शिक्षण रत्न पुरस्कार

राज्य स्तराय व्हिडिओ निर्मिती स्पर्धेत तिसरी चौथी गटांमध्ये तालुकास्तरीय प्रथम क्रमांक

शालेय परसबाग निर्मितीमध्ये तिसरा क्रमांक

विनोबा पोस्ट ऑफ मन पुरस्कार

हॅकेथॉन स्पर्धा जिल्हा स्तरावर सहभाग

 रंगोत्सव चित्रकला स्पर्धा सहभाग

माझी चौरस पाटी पुस्तक लेखन केले आहे .

शालेय उपक्रमासाठी व शालेय कामासाठी शाळेच्या मुख्याध्यापिका सौ आरती वाघमारे या नेहमी अग्रेसर आहेत .

 गटशिक्षणाधिकारी अल्फा देशमुख विस्तार अधिकारी नरेंद्र कचवे केंद्रप्रमुख चिंतामण महाले मुख्याध्यापिका आरती वाघमारे शिक्षक मधुकर राऊत शाळा व्य स अध्यक्ष नामदेव भोये यांच्या प्रयत्नाला गौरविले आहे .

Computer science Hekethon

*कॉम्प्यूटर सायन्स हॉकेथॉन स्पर्धा*

जिल्हा जिल्हा शिक्षण व प्रशिक्षण संस्था नाशिक जिल्हा परिषद शिक्षण विभाग नाशिक व पंचायत समिती शिक्षण विभाग सुरगाणा यांच्या संयुक्त विद्यमाने सुरगाणा तालुकास्तरीय कॉम्प्युटर सायन्स हॉकेथॉन  स्पर्धा 2024-25 चे आयोजन करण्यात आले होते .

 Computer science  hackethon ही  स्पर्धा इयत्ता चौथी ते आठवीच्या विद्यार्थ्यांसाठी सहयोगी संगणक विज्ञान आणि कोडींगवर आधारीत स्पर्धा होती .

सदर स्पर्धा ही शासकीय आश्रम शाळा माणी तालुका सुरगाणा जिल्हा नाशिक येथे आयोजित करण्यात आली होती. 

*गटशिक्षणाधिकारी मा.अल्फा देशमुख मॅडम शिक्षण विस्तार अधिकारी माननीय श्री. नाईकवाडे साहेब* तसेच तालुक्यातील विस्तार अधिकारी केंद्रप्रमुख या कार्यक्रमास उपस्थित होते. 21 व्या शतकातील विविध कौशल्ये आणि कोडींग बद्दल ज्ञान अवगत करण्यासाठी ही स्पर्धा आयोजित करण्यात आली होती. या स्पर्धेमध्ये *जिल्हा परिषद प्राथमिक शाळा लहानघोडी* तालुका सुरगाणा जिल्हा नाशिक येथील विद्यार्थ्यांनी सहभाग घेऊन *प्रथम क्रमांक* मिळवला. मंगेश नामदेव, भोये चेतन दिनकर जाधव, रितेश शांताराम मोरे, तन्मय देविदास वाघमारे या विद्यार्थ्यांनी सहभाग घेतला.

पर्यावरण पुरक रंग तयार करणे

पर्यावरण पुरक रंग तयार करणे.

जि.प. प्रा. शाळा - लहानघोडी ता.सुरगाणा जि नाशिक शाळेमध्ये वर्षभर विविध नाविन्यपूर्ण उपक्रम घेण्यात येत आहेत. त्या मध्ये रंगपंचमी सणानिमित्त पर्यावरण पुरक रंग तयार करणे. हा उपक्रम शाळेमध्ये घेण्यात आला. r रासायनिक रंग व पर्यावरण पुरक रंग या बदल विद्यार्थांना मार्गदर्शन करण्यात आले. 

 यु टुुब व्हिडीओ पाहण्यासाठी क्लिक करा .

https://youtu.be/mhKQ6szvUf8?feature=shared

घरगुती पद्धतीने रंग तयार करण्यासाठी कोणते साहित्य पाहिजे याची यादी करण्यात आली. विद्यार्थ्यांकडून प्रत्यक्ष कृती करू घेण्यात आली. रंग तयार करण्यासाठी पान फुले हळद फळे मक्याचे पिठ या साहित्याचा वापर करून शाळेमध्ये रंग तयार करून घेण्यात आले. नंतर या रंगाचा वापार करून विद्यार्थ्यांनी शाळेमध्ये पर्यावरण पुरक रंगपंचमी साजरी केली.

रासायनिक रंग आणि पर्यावरणपूरक रंग यांच्यातील फरक खालीलप्रमाणे:

रासायनिक रंग

 * उत्पादन: हे रंग रासायनिक पदार्थांपासून बनवले जातात, ज्यात जड धातू आणि विषारी रसायनांचा समावेश असतो.

 * पर्यावरणावर परिणाम: रासायनिक रंग माती आणि पाण्यात मिसळल्यास प्रदूषण वाढते. हे रंग जलचर प्राण्यांसाठी आणि मानवासाठी हानिकारक असतात.

 * आरोग्यावर परिणाम: रासायनिक रंगांमुळे त्वचेची ऍलर्जी, डोळ्यांना जळजळ आणि श्वसनाचे आजार होऊ शकतात.

 * निसर्गावर परिणाम: रासायनिक रंगामुळे निसर्गातील प्राणी आणि वनस्पती यांच्यावर विपरित परिणाम होतो.

 * उपयोग: रासायनिक रंग हे मोठ्या प्रमाणात उपलब्ध असल्यामुळे, अनेकजण होळीच्या सणादरम्यान याचा वापर करतात.

पर्यावरणपूरक रंग:

 * उत्पादन: हे रंग नैसर्गिक स्रोतांपासून बनवले जातात, ज्यात फुले, फळे, भाज्या आणि वनस्पतींचा समावेश असतो.

 * पर्यावरणावर परिणाम: पर्यावरणपूरक रंग माती आणि पाण्यात मिसळल्यास कोणतेही प्रदूषण होत नाही. हे रंग जलचर प्राण्यांसाठी आणि मानवासाठी सुरक्षित असतात.

 * आरोग्यावर परिणाम: पर्यावरणपूरक रंगांमुळे त्वचेची ऍलर्जी किंवा इतर कोणतेही आजार होण्याची शक्यता कमी असते.

 * निसर्गावर परिणाम: पर्यावरणपूरक रंगामुळे निसर्गातील प्राणी आणि वनस्पती यांच्यावर कोणताही विपरित परिणाम होत नाही.

 * उपयोग: पर्यावरणपूरक रंग हे रासायनिक रंगांपेक्षा थोडे महाग असतात, परंतु ते आरोग्यासाठी आणि पर्यावरणासाठी सुरक्षित असतात.

पर्यावरणपूरक रंग वापरण्याचे फायदे:

 * पर्यावरणपूरक रंगांमुळे पर्यावरणाचे संरक्षण होते.

 * हे रंग आरोग्यासाठी सुरक्षित असतात.

 * नैसर्गिक रंग त्वचेला आणि केसांना हानी पोहोचवत नाहीत.

 * नैसर्गिक रंगांमध्ये विविध रंग उपलब्ध असतात.

पर्यावरणपूरक रंग वापरण्याचे तोटे:

 * रासायनिक रंगांच्या तुलनेत पर्यावरणपूरक रंग थोडे महाग असतात.

 * ते रासायनिक रंगांपेक्षा लवकर फिकट होतात.

 * पर्यावरणपूरक रंग सर्वत्र उपलब्ध नसतात.

पर्यावरणपूरक रंग तयार करण्याच्या पद्धती:

 * पालक, मेथी, कोथिंबीर यांसारख्या पालेभाज्यांचा वापर करून हिरवा रंग तयार करता येतो.

 * बीट, डाळिंब यांसारख्या फळांचा वापर करून लाल रंग तयार करता येतो.

 * हळद, झेंडूची फुले यांसारख्या वनस्पतींचा वापर करून पिवळा रंग तयार करता येतो.

पर्यावरणपूरक रंग वापरण्याचे आवाहन:

 * होळीच्या सणादरम्यान रासायनिक रंगांचा वापर टाळा.

 * पर्यावरणपूरक रंगांचा वापर करून सुरक्षित होळी साजरी करा.

 * पर्यावरणाचे रक्षण करण्यासाठी पर्यावरणपूरक रंग वापरा.

मोहपाडा शाळेला भेट

 दि.4/2/2025 रोजी मोहपाडा आश्रम शाळेला भेट दिली. शालेय परीसर मोठा असून सभोवताली वृक्षरोपण केलेले आहे  व शोभेचे झाडे लावले असून परीसर सुंदर व शुशोभित आहे.

शाळेमध्ये प्रवेश केला तेव्हा परिपाठ संपवून सर्व विद्यार्थी वर्गामध्ये बसले होते . इयत्ता ५वी च्या वर्गामध्ये भेट दिली . सर्व विद्यार्थ्यानी टाळ्या वाजवून स्वागत केले . वाजेसर हे हजेरी घेत होते  मी खुर्चिवर बसुन निरीक्षण करीत होतो . हजेरी घेताना विद्यार्थी yes sir ऐवजी इंग्रजी मधुन वाक्य सांगत होती. हा त्यांच्या शाळेतील एक इंग्रजी उपक्रम होता. ग्रामिण भागतील विद्यार्थी इंग्रजी बोलते व्हावे हाच एक उद्देश असावा. नंतर सरांनी माझा परीचय करून दिला. विद्यार्थी सहज न घाबरता संवाद साधत होती. शाळेतील विविध उपक्रमाची माहिती घेतली . विद्यार्थ्यांनी तयार केलेले साबन मी पाहिले . अलेक्सा बद्दल माहिती सांगितली. तसेच शाळेने दरवर्षी  विज्ञान प्रदर्शनामध्ये सहभाग घेऊन विद्यार्थी प्रतिकृती शिक्षक प्रतिकृती यांच्यामध्ये वेगवेगळे पारितोषिक प्राप्त झाले आहे. विद्यार्थ्यांमध्ये वैज्ञानिक दृष्टिकोन निर्माण होण्यासाठी खूप चांगले कार्य चालू आहे. वर्गामध्ये भेट दिली असतात विद्यार्थ्यांनी स्वागत केले वर्ग सुशोभीकरण केलेले असून सर्व भिंती रंगरंगोटी करण्यात आलेली आहे सर्व वर्ग डिजिटल करण्यात आले आहेत. शाळेमध्ये चालु असलेले विविध उपक्रम आनंददाई शनिवार,

पुस्तकापलिकडेल जिवन शिक्षण, राष्ट्रीय विज्ञान दिन , शिष्यवृती परिक्षा, वर्ग अध्यापनामध्ये ICT टुल चा वापर, म्युझीयम आपल्या दारी , मतदार जनजागृती उपक्रम, शालेय परसबाग निर्मिती, बालसभा, बाल आनंद मेळावा, नवोपक्रम स्पर्धा, मुख्यमंत्री माझी शाळा सुंदर शाळा जिल्हा स्तरावर ब गटामध्ये प्रथम क्रमांक असे विविध नाविण्यापूर्ण उपक्रम राबवून  विविध पुरस्कार पारितोषिक प्राप्त झाले आहेत 

    एकंदर शालेय परिसर शाळेतील मुख्याध्यापक शिक्षक व इतर सर्व कर्मचारी हे शाळेसाठी व विद्यार्थ्यांसाठी मेहनत घेऊन विद्यार्थी पुढे जाण्यासाठी धडपडत करीत आहेत.

राष्ट्रीय विज्ञान दिवस

 

आज दिनांक 28/2/2025 रोजी जि.प.प्रा.शाळा लहानघोडी ता . सुरगाणा जि नाशिक येथे राष्ट्रीय विज्ञान दिनाचे औचित्य साधून शाळेमध्ये विज्ञान प्रदर्शन आयोजीत करण्यात आले. सर्व प्रथम विद्यार्थ्यांना राष्ट्रीय विज्ञान दिन का साजरा केला जातो याबदल  महान भारतीय शास्त्रज्ञ डॉ. सी. व्ही. रमण (CV Raman) यांनी केलेल्या कार्याची माहिती सांगण्यात आली . दरवर्षी 28 फेब्रुवारी रोजी देशात राष्ट्रीय विज्ञान दिन साजरा केला जातो. या दिवशी सर सीव्ही रामन यांनी रामन इफेक्टचा शोध जाहीर केला. त्या नंतर विद्यार्थ्यांनी विविध प्रयोग सादरीकरण केले .

      विद्यार्थ्यांच्या कर्तृत्वाला, सुप्त गुणांना आणि सर्जनशीलतेला सर्वांसमोर मांडण्याची संधी मिळाली. दैनंदिन जीवन विज्ञानाशिवाय जगणे केवळ अशक्यच आहे असा संदेश देणारे आणि विविध प्रसंगात विज्ञानाच्या साथीने जीवननौका कशी पार करता येईल ? या दोन्ही अनन्यसाधारण गोष्टींची उकल सहजसोप्या अन् साध्या प्रयोगातून या प्रसंगी विद्यार्थ्यांनी केली. त्यांनी साधे, सोपे पण निश्चित वैज्ञानिक मूल्य असलेले प्रयोग आज सादर केली. अनेक वैज्ञानिक संकल्पनांना उजाळा मिळाला. सर्वांची अगदी लगबग चालली होती. प्रत्येक सहभागी विद्यार्थी प्रयोगाच्या तयारीत गुंग होता. अगदी पहिलीपासून चौथीपर्यंतचे सर्व वर्गातील विद्यार्थी आनंदाने सहभागी झालेले होते. प्रत्येक विद्यार्थ्याठायी वैज्ञानिक दृष्टीकोन विकसित व्हावा, सश्रद्ध पिढी निर्माण व्हावी, अंदाजांचे पतंग न उडवता निश्चित निर्णयाप्रती ठाम असणारी मुले घडवण्याचा एक छोटासा प्रयत्न 

या कार्यक्रममासाठी मधुकर जाधव भिंतघर गुलाबीगाव यांनी विद्यार्थ्याना मार्गदर्शन केले व श्री मधुकर राऊत सर यांनी विज्ञान दिनाचे महत्त्व समजावून सांगितले .शाळा व्यवस्थापन समिती अध्यक्ष श्री . नामदेव भोये यांनी खूप मोलाचे सहकार्य केले .

व्हिडीओ साठी क्लिक करा .

https://youtube.com/shorts/U0J5WwpIcC4?si=Bv8Ip4GqCC9ZKCbv

व्हिडीओ

सेल्फी विथ बॅनर उपक्रम

selfie with banner

जि.प. प्रा. शाळा - लहानघोडी ता.सुरगाणा जि नाशिक  शाळेमध्ये वर्षभर विविध नाविन्यपूर्ण उपक्रम घेण्यात येत आहेत. विविध उपक्रमामध्ये विद्यार्थ्यांनी मिळविलेले. या उपक्रामध्ये विद्यार्थ्यांना बक्षिसे प्रमाणपत्र मिळविलेली आहेत. सदर उपक्रमाचे कार्यक्रमाचे विविध स्पर्धांचे फोटो  काढलेले आहेत. त्या फोटोचे छोटे छोटे बॅनर तयार करून शालेय परिसरामध्ये ठराविक अंतरावर लावण्यात आले. फोटोवरती विद्यार्थ्यांनी केलेले कार्याचा उल्लेख केलेला आहे. या मुळे विद्यार्थ्याना प्रोत्साहन मिळत आहे. व इतर विद्यार्थी त्यापासून प्रेरणा घेऊन आपण सुद्धा असे चांगले  उपक्रम कार्यक्रम स्पर्धा मध्ये सहभाग घेऊन माझा सुद्धा बॅनरवर फोटो लागावा या हेतुने तयारी करतात.

       विद्यार्थ्याचे पालक सुद्धा शाळेमध्ये आल्यावर सर्व बॅनर वाचन करतात. आपल्या मुलांना सहभागी होण्यासाठी मार्गदर्शन करतात. तसेच गावातील ग्रामस्थ अधिकारी हे सुधा आल्यावर सर्व बॅनर वाचन करीत असता. विद्यार्थ्यांना मार्गदर्शन करून प्रोत्साहन देत आहेत. 

     शालेय परीसर स्वच्छ सुंदर असुन या परिसरात वेगवेगळ्या प्रकारचे फुलझाड फळझाडे लावलेली आहेत. या मध्ये जागो जागी शालेय उपक्रमाचे २६ जानेवारी २०२५ रोजी 30 बॅनर लावण्यात आले. आहेत त्यामुळ शालेय परिसर आणखी चांगला वाटतो.